भूम येथे श्री शाकंभरी महोत्सव उत्साहात साजरा.

भूम - ( कुणाल लगाडे). भूम येथे श्री चौंडेश्वरी शाकभंरी  महोत्सव मोठ्या उत्साहात विविध कार्यक्रमांनी साजरा केला . या दरम्यान समाजातील नव नियुक्त नगरसेवका बरोबरच कबड्डी स्पर्धेत राष्ट्रीय स्तरावर चमकदार खेळ करणाऱ्या वैष्णवी बाबर हिचा सन्मान केला .समस्त कोष्टी समाज बांधवांच्यावतीने दरवर्षी श्री चौंडेश्वरी शाकंभरी महोत्सव साजरा केला जातो . यावर्षी देखील हा महोत्सव 24 डिसेंबर 2025 ते 3 जानेवारी 2026 पर्यंत हा महोत्सव साजरा केला या महोत्सवा दरम्यान ह भ प विजय बागडे . सोमनाथ बाबर . संदिपान हासेगावकर .  संजय पाचपोर . संभाजी मेहणकर . ज्ञानेश्वर जळकेकर :जयेश 'भाग्यवत .अक्षय भोसले .गोविंद गोरे . शारंगधर मेहूणकर यांच्या कीर्तनाचा कार्यक्रम संपन्न झाला . कीर्तन कालावधीत रक्तदान शिबिरही घेण्यात आले, मसा खंडेश्वरी तालुका कळंब येथील 20 कलाकारांनी भारुडाचे गीत गायन करून लक्ष देऊन घेतल.

  

3 जानेवारी 2026 रोजी  शाकंभरी महोत्सवाचा मोठ्या महाप्रसादाने समारोप झाला,  या दिवशी शाकंभरी देवीची पालखी व प्रतिमेची शहराच्या प्रमुख मार्गाने सवाध्य मिरवणूक काढली. पालखी मिरवणुकी दरम्यान ठीक ठिकाणी पालखीचे स्वागत केले,  खामकर गल्ली येथे शंकर खामकर, धनंजय खामकर, श्रीहरी खामकर, गणेश खामकर , कांतलिंग खामकर परिवाराच्या वतीने महाप्रसाद वाटप केला,  ठिकठिकाणी महिलांनी रांगोळी काढून स्वागत केले .मिरवणुकीमध्ये श्री चौंडेश्वरी महिला ढोल ताशा पथक व ह भ प रावसाहेब पाटील  वारकरी शिक्षण संस्था मेडशिंगच्या बाल वारकरी बांधवांनी देखील लक्ष वेधून घेतले . सायंकाळी होम मिनिस्टर खेळ पैठणीचा कार्यक्रम संपन्न झाला . यावेळी देखील महिलांचा मोठा प्रतिसाद मिळाला .

WhatsApp शेअर करा Facebook शेअर करा