जनशक्ती नगर विकास आघाडी भूमच्या १४ नगरसेवकांचा रॅलीने पदभार

भूम - (कुणाल लगाडे) नवीन वर्ष प्रारंभाला जनशक्ती नगर विकास आघाडी भूम  च्या१४ नगरसेवकांनी भूम शहरातून प्रचंड वाजत गाजत रॅली काढून भूम नगरपालिकेत जनतेच्या साक्षीने नगरसेवक पदाचा पदभार स्वीकारला.याप्रसंगी भूम शहरातील सर्व समस्या जनतेच्या साक्षीने जनतेच्या मनासारख्या कराव्यात असे पॅनल प्रमुख माजी नगराध्यक्ष विजयसिंह थोरात यांनी यावेळी नगरसेवकांना मार्गदर्शन करताना सांगितले तर भाजपाचे राज्य परिषद सदस्य बाळासाहेब क्षीरसागर यांनी देखील आपण टाकलेला विश्वास आणि दिलेले १४ नगरसेवक हे आपल्या सोबत असून आपल्या सेवेसाठी तत्पर राहतील असा विश्वास व्यक्त केला तसेच नगराध्यक्ष पदाच्या उमेदवार सत्वशीला थोरात, नगरसेवक चंद्रमणी गायकवाड, अनिल शेंडगे, आबासाहेब मस्कर, रुपेश शेंडगे यांनीही सर्वांच्या सोबत राहून शहराचा विकास करू जनतेच्या विश्वासाला कधीही तडा जाणार नाही असे काम करू व यावेळी शहरातील मतदारांचे आभार त्यांनी मानले.यावेळी पदभार स्वीकारल्यानंतर सर्व नूतन नगरसेवकांचा सन्मान करण्यात आला यात शमशाद मुजावर, शितल गाडे,चंद्रकला पवार, नवनाथ रोकडे ,लक्ष्मी साठे, आबासाहेब मस्कर,नुरजहा मोहम्मद मशनियार,विठ्ठल बागडे, सुनिता वीर, सुरेखा काळे, रामराजे कुंभार या नूतन नगरसेवकांचा सन्मान करण्यात आला. युवा नेते यशवंत थोरात, माजी नगराध्यक्षा सुप्रिया वारे, विलास शाळू, दिलिप शाळू, जावेद शेख, संतोष सुपेकर, बाबासाहेब वीर, चंद्रकांत माळी, सुभाष जावळे यांच्यासह भूम शहरातील असंख्य कार्यकर्ते या सोहळ्याला उपस्थित होते कार्यक्रमाचे सूत्रसंचालन शंकर खामकर यांनी केले.

WhatsApp शेअर करा Facebook शेअर करा